ES4走過之2 Fighter Guild – 好人卡的宿命

Figher Guild 之歷:

.「Fighter Guild 只要你唔做犯法野,同唔殺自己人,我地就係好兄弟。」初級事頭係禁樣同我講。

.照舊比人點來點去做跑腿,不過同Mage Guild不同,這種點人做野的手法叫「合約」。

.開頭又是做一些事主可以輕易做到但係又有錢得濟請人做的Task,例如清理屋入面的老鼠、捉賊仔、運送武器。

.有條粉會員接合約之後唔做,被叫跑腿去看甚麼事。條粉話人工低,不值一做﹝禁你又接?﹞,於是我這個成身好人卡的跑腿便幫佢一碼行入山洞執件野,好一條粉,禁都唔做。由於好人卡在心,回到事頭處話係條粉做好的。

.繼續做一些跑腿工,幾好,跑幾場便賺到錢。

.之後同上次果條粉一齊去殺山洞中的山賊,為免佢阻住我的「有力的揮刀」,叫左佢留在出面等我,回來又好人卡上身,話兩份做。

.繼續做一些跑腿工,幾好,咪住,升到禁高職位人工都係禁低,咪同FxxMxxxx一樣,開始唔多想再接。

.又係果條粉,又接左合約唔做,事頭話你同佢禁熟,你去照應下佢吧。頂,鬼同條粉熟。去同找條粉,條粉原來轉左工,去了Blackwood公司度做。「我轉左工喇,食好住好,見你之前有關照到我,醒返我個舊合約比你喇」條粉禁講,好似我一定會要禁。

.冇計,因為我是被發很多好人卡的跑腿,於是又去了完成合約。

.Fighter Guild 的工作開始被BlackWood同行公司搶走,人地勁冇計。

.有幾件公會蛋散發爛炸,我又當跑腿的去看。蛋散話冇工開,d工比BlackWood搶哂,好得閒。「好人卡」又來,於是又四出幫佢地搵工,在Mage Guild搵左個有錢太婆話要藥材,如果我肯幫佢免費收集廿件,就會以後請班蛋散幫手去搵藥。好,入得好人公會,做便做,蛋散也有工開。

.有一日,直屬事頭話有「非正統」任務比我,叫我夜晚去佢屋企搵佢。「我,我唔興果家野架喎。」好人卡多都唔係玩果味吧「我頂,鬼同你玩果野,有重要野做呀。」

.果晚,照約去了事頭屋企。事頭原來好在意BlackWood公司點解收錢平又工作效率高,但佢又懷疑人地出術。﹝人地勁嘛﹞於是兩條麻甩佬一齊走了去上期任務的地點。

.完全冇人,我肯定事頭記錯地方,但係事頭老充話一定係暗渡左去第二個地方,於是扮哂引路禁帶我去B地點﹝記錯地方就認左佢算啦,得兩條麻甩老,鬼得閒講你閒話﹞

.去到真正地點,發現到任務要清理的大boss依然健在,禮貌上一刀劏下去。又來喇,「你執屍技術99點,你來吧,搵佢隻戒指出來,禁就可以証明BlackWood其實冇做過野。」洗人唔洗本,比左隻戒指事頭,照舊強搶哂人家的財物,閃。

.事頭叫我去做下其他跑腿工,遲下再搵佢。

.又有晚,事頭又叫我去佢屋企。我越來越懷疑BlackWood公司在騙飯吃, 點解同樣接post,我方死禁多人,佢地又好型禁一個又唔死禁完成?「你同我去睇下發生乜事。」

.好人卡跑腿王走去了那山洞,入面很多公會兄貴和姐貴的屍體,由於我也是執屍王,唔好意思嘛,人死左留d錢來打鬼,全被我掃空。走到最入見到兄貴b的手記,「BlackWood班粉低能,見人就打…..」完。

.走返去事頭屋企,事頭話事情嚴重,唔知點解事頭知道BlackWood會發大大做,加分店,叫我去搞破壞,捉人質﹝我地唔係好人會社咩?乜搞到禁邪惡……﹞

.這邪惡的事事頭不會參加的了,叫我一條粉去。照舊幫人地大掃除,捉走了條人質。

.捉左人質返事頭屋企。質問佢,起初乜都唔肯答,但係話見我地禁有善地對待佢,可以有限度的出賣佢老大﹝佢係二五仔人才﹞,「我老細個名係Zxxxx﹝點記得﹞,至於點解我幫會禁利害,我唔講得,我,再見喇。」二五仔講左一半便良心發現,引火自焚。「好有可疑,一定有d野。」﹝見你係事頭,至唔會寸你講廢話﹞

.事頭跟住叫我做’餓’底﹝唔識打﹞,睇下佢地乜料,好人的兄貴Figher Guild原來是都陰濕公會。

. 一身好人卡的我,扮哂乜都唔識的新手去BlackWood公司伸請入會。我偉大的誠意打動左佢個事頭,唔洗學校証明文件又唔洗學歷禁就入左。事頭佢醒左一支「男人之虎」比我,話好野來的,飲左佢成個任務都好順暢。本來打算留返比Fighter Guild事頭,見佢起唔到機要補下,但係班BlackWood係禁望住我,好待期我飲下去,唔飲唔比接任務,飲囉,先聲名我冇果方面問題,STR有100的。

.一個簡單到冇人有的任務,清理入侵村的Goblin,你可以想像是DQ中的史萊姆,便派了四名飲了「男人之虎」(BlackWood特製飲品 Hist xxx﹞去清理。照舊,同事都係懶人,洗我叫我入屋入面清理Goblin,我就係禁等,死都唔入,班粉真係夠膽死唔入屋係禁行來行去拖時間。好啦,又係揮刀美學,一刀一件,清理完後「男人之虎」副作用吧,當場暈低左。

.打開眼又見返Fighter Guild事頭,仲要係佢屋企﹝我頂﹞,佢話幫會人見到我暈低在某村度,於是便拾我回去事頭屋企。

.「男人之虎?係就好,我都想要返支﹝我估到你要﹞,但係禁堅的野有都冇理由益新仔,一定有d野」事頭好明顯似知道「男人之虎」係好野。「你同我去返你之前接任務果條村,睇下乜事」今次我唔怪你,這次跑腿我應得的。

.條任務村得返個爛賭鬼,話唔知邊幫無良山賊,殺哂d村民。「你咪上次來幫我個女搵遺物,受託幫我還債的好人卡先生嗎?唉,我知唔關你事,但係,實在好無良。」好人卡內心深處一記冷汗,「嗯」 雞禁腳走人。

.回返去事頭屋企,「果d男人之虎好有問題,你咪話過下係唔知邊棵樹抽出來的?一定係變左質,飲到人失常,見乜都當係鬼來劈。」事頭理直氣壯地講出假「男人之虎」的不是﹝吃不到的葡萄是酸的﹞ ,叫我在BlackWood完全痴線前,單拖去人地總會KO那棵害人之樹,「你又唔去?」我內心禁講,我知我又是命中注定的超好人卡人選。

.走到BlackWood總會,原來我已經比人起左底,比人知我係二五仔,點?又開薯片囉,一片,兩片,三片,總部係就係得三片人。一間間房去打劫,總會的第四個人出現,就係那個Zxxxx,美學再出,羸,執屍。入去開門等燒樹,四片,五片,算吧,公會總部得六個人。燒樹,閃人。出來見返好耐之前過檔去BlackWood的粉腸,佢好氣憤,一番話後就同我開片。

version 1. 我揮一揮長刀,不帶走一點敵人,回到去事頭話我殺了幫會人,要我去唔知做乜乜乜同乜乜乜….

version 2. 我閃,係禁走,走回事頭屋企。

version 1 太煩,用了version 2

.事頭話BlackWood應該會正常返,而我地都有返生存空間了,禁,你去同老總回報吧。

.「乜話,你事頭老早比我地炒左友喇喎?」老總很氣我跟手做左禁多野。我一五一十講左男人之虎的事蹟比老總知。老總話佢老喇,乜都唔知,只係關住各兄貴人生安存,事實就沒去查,佢都唔想做,於是便塞了個位比我,叫我去搵附手。我搵返我舊事頭,舊事頭扮哂唔想做﹝佢都裝假狗開,見慣﹞最後都應允做,話以後想幫會做乜就搵佢。

.於是,好人卡跑腿王也成為Figher Guild 的老大。

.題多話,完成KO BlackWood任務,事頭比左個大頭公仔頭盔我,話係在佢老郷Morrowind一件家傳之寶,依架我實在太型太幫得手,好人卡也沒做得那麼盡,所以便送了這個大頭公仔頭盔比我。我期待加廿個STR,結果係10Endurance 和好似係10 AGI,雖然冇我個+10 STR頭盔禁好用,但係帶上頭又幾過癮。

下期講正傳,不過要爆左機先。

kill-es4.png

這張是ES4中的看版獸想像圖,不是實際game中用的。

Tags:

Leave a Reply