Torch Light!!

我的所有電筒,漏了太陽能電筒沒放入圖中,最左邊兩支係細佬乙的,其中一支係聽IMB talk拿

圖中所見都是平野

最右手邊支係買比朋友用,之後被比佢的除時可以兩節變一節的特點吸引而又買多支。一支在廟街買,另一支在鴨寮街買,原本係想買其他款但係這個款最平 ;D,白光,估計1xx lumen, $25~28

銀色鋁電筒今日買的,原本想買支低火力AA取代佢隔離透明的電筒,不過回家一試火力都是約100 lumen,白光,那便是說不能開夠十小時啦。如果current 1.5vm 用250 ma,用最大的電2800ma都係去到七小時﹝我沒有測量工具,只係睇site 太約估下﹞$25

透明果支照出來便是一個偏藍的集中光球,但不是很光,它是唯一沒有牌子的,也是全部中最平,$13~15便買到,開燈時自己成支野都照到光哂,其實幾型的。很不幸唔洗幾日果D膠就裂開有幾條痕,睇怕唔頂得幾耐,的碓LED 可以用上10萬小時,不過佢周邊便是沒那麼長命吧,不再買硬膠便是。

紅色果支係第一支買的,AAA電,特點係佢係好似支筆禁有個夾,不過問題來了,我是要釣住來用的,和膠那支一樣都是不夠其他光,相比下很暗,不過暗=用電比較少吧,當然也不排除用料差電對換光率低,價錢$15~17,我覺得以佢禁架光度用AAA電或者都頂到幾小時吧。

紅色左邊支叫黑貓,我全部電筒中最貴的了,$52蚊,一樣係AAA size,戰鬥力~100 lumen,官網寫用到60-90min便要偷笑﹝越光便越大的代價﹞,黃色光,其他支都是白光的。大家都知晚間街燈是黃色的吧,可能冇禁傷眼,睇落去就同廿零蚊果D光度差不多,不過就係黃色囉。 如果我買左銀色先未必買這把,雖然佢係最短最細把最輕,不過AA VS AAA 電蕊電容量是差了一倍的,可以長開多一倍喎,反正兩把長開都是會熱的。膠和紅色那支長開也不熱,因為真的不是很光。

在黑貓左邊是10蚊雞的多用途三合一電筒,入三粒cell 電﹝我不多喜歡cell﹞。三合一為1.有人畜無害class 1的紅laser,2.有白燈和3.照銀紙燈,當然便是用個laser 來指路吧,其餘兩個燈當bonus

到細佬果兩支,黑色佢自己買的,因為叔叔爛gag比了支要入專用電池的貴野電筒(ya, 沒有show出來,這些專業野真係唔係平民用),用哂電=冇電筒好用,於是佢都私低下買了支,戰鬥力和我果D弱雞差不多,也是弱雞。藍色果支便是IBM聽talk 的贈品,9LED,入三粒AAA,那隻係近照羸,遠照輸設計。

在上圖中沒有展示太陽能電筒X2,也沒展示手搞式電筒,除了一個放在窗邊囇太陽之外其他也壞了。怎樣說,個idea 係好,但係整體設計有很大漏洞,個漏洞便是儲電粒cell。用無限能源去charge led 燈喎,有乜唔好?唔好在粒rechargable cell 500次叉放便歸西,強國出品的充電池更架少次數,一年內必消耗盡,掉得。光又一點不夠光,除左型之外其實仲浪費過用電蕊的電筒,粒叉電當然個capacity 又唔高,長放不能。

我還有一把hsbc 信用卡積分換回來的人力手搞式電筒,接近唔存在的光亮度,不過佢儲電唔係用電池而係用capacitor,據聞可以charge 成萬千,當然每次只用到10min, 冇電又要扭十野。咪住,10x10000min… =.= 把野緊急到乜都冇時去用下還好,如果周不時用咪又係一兩年收工,仲要係接近唔存在的光亮度…

以現時的科技還是入電蕊最好的了,一係科學家早點發明好安全的AA燃料電蕊,那麼便和粒led 一齊千秋萬載,用到開關都按爛乜都唔洗渙的化境便好了。

我是不會買貴電筒的,粗平用是要點,爛左也不覺可憐;D

Leave a Reply