ES4走過之1 Mage Guild – 跑腿王之誕生

換了新超幾天便適應了,以為Elder Scroll IV : Oblivion 這等頭暈Game也一樣可以適應,結果是錯的,頭暈Game依然玩到頭暈,禁玩法幾時至爆到機。

步驟:

1. 首先以為自己今次不會再頭暈

2. 對住一班強顏歡笑的NPC也沒問題﹝Personiality 高的話NPC見到你都會有善地對住你笑﹞

3. 接任務,行山開始有問題,電視話搭車頭暈望遠野,好,遠極都係個LCD MON,Game 入面的遠境咪又係近境。

4. 你估不到世上是那麼多的山洞,而很多任務都是去山洞的。

5. 你都估唔到世上的山洞都同迷宮差不多,遍地都是寶箱,斬人是爽,斬完後又入pan鏡頭下去執屍。

6. 頭暈,有作嘔的感覺,有時成身會有冷汗。

7. 死去一邊休息半個鐘,等冇禁暈。

8. 那一天不能再玩,再玩的話行動力急跌為零,暈足一日。

9. 每天也玩那一兩個小時,這Game 利害之處便是有很多小時比你消磨。

Mage Guid成為老大了,過程嘛:

.去各小鎮做一些刷鞋的任務,誘騙當地頭頭比封推薦信你,順利入了成為初級人員。

.接受個人魔法杖任務,拿了自己專用的杖,長期放在袋中,總覺得一刀劈下去好過係禁閃偷放一下魔法。

.強搶了不少Grand級的石頭,盡興地強化了所有可強化的裝備,每件+10STR,拾荒者入山洞大掃除可以一次背很多貨了。

.繼續比人點來點去做跑腿,明明NPC在隔離又叫我行過去問下佢﹝同現代人一樣,同隔離位人兄溝通都用msn……﹞,我係MSN。

.忽然之間被拉入幫會內部的問題,好似係當初有條粉為左瀉鑊,便全面禁止Necromancer,趕走哂死都唔肯放手的人。於是嘛,Necromancer另起爐灶,要反擊清Mage Guild袋。

.被當跑腿去看人家Necromancer怎樣去練黑石,自己又唔去,係禁駛人,次次回來報告話做左,事頭又信,唔通一路派人跟蹤我?

.Necromancer Boss出現,一家家Mage 分店清袋,當然又是當跑腿去當地睇下,奇就奇在清完袋,班仇家仲留在分店等我去過下殺敵之爽。

.仇家來勢凶凶,各個大大粒大難臨頭各自飛,事頭A拿走了仇家專用頸飾躲在山洞,事頭B拿走了件爛頭盔躲在另一個山洞中。

.我的直屬事頭c可能冇乜「渣」拿,便作故仔騙我這個跑腿說:「那被拿走的兩件野最好是放在總店,拿去山洞打鬼。」

.於是跑腿王走了去事頭A處,事頭A原來做二五仔,打算把頸飾交返比仇家大佬。刀劍冇眼,手起刀落,事頭A便被我這個跑腿王一下有力的一刀下了黃泉﹝當初同你聊天你太臭寸了,你都有今日﹞。

.炒了事頭A魷魚後,便去找事頭B,事頭B可能仇家太多,我來到前佢已經在極樂世界同事頭A打麻雀。幸好我的專長是跑腿和執屍,翻幾翻便找到那個破頭盔。

.回到總部,事頭c講左句:「跑腿王,以後的事靠哂你。」事頭C便引火BBQ自己,丁左。我都知人係有工作壓力,正所謂你有壓力,我有壓力,又何必自尋短見呢?爽啦,依架壓力比哂我,留低左件超大大的蘇州屎比我。

.Mage Guild便是成班遊手好閒、美國時間的會員,乜事都懶懶閒,仇家殺到來還是得閒碰面笑笑口講閒話。於是嘛,跑腿王要身兼仇家清理者,單拖殺入仇家總部。

. Necromancer 便是只會召喚的一班文員,召喚獸好打得,但係當事人一些也不耐打。召喚那隻不用理,只要輕輕的在文員身上拖兩三刀,文員ko了,召喚獸便消失。分店的閒員工更係掛住同召喚打,召喚獸無限隻架嘛,打來打鬼,一定係冇常識,如果唔係冇理由會輸比這班文員。

. Necromancer Boss 原來是一名老漢,同在城看到的路漢差不多樣,講完仇人見面的說話便開片,當然有召喚,當然照舊唔理隻野。Boss果然係Boss,刀法也了得,便是你用Dagger仔,我用長劍,距離羸哂,KO了幫會的仇家,打劫哂人家的財寶,閃人。

.回到總部我的舊事頭﹝低級d的﹞話:「掂!你KO了仇家。事頭C也寫左平安紙話留返個事頭位你做,恭喜你。」﹝佢一定係派人跟蹤我,我劈友時又唔幫手!﹞

.於是我這個工會跑腿變成新事頭。有一天,閒閒地視察總部,同一個低級員工對話,低級員工:「唔好意思,我好忙,我沒有時間同雜工聊天。」看來我這個跑腿形象深入民心,一身高檔次的Arch-Mage裝,這全工會得一件的事頭象徵穿上身也只是記得我是低級跑腿一名。OTZ

下期講入Figher Guild事跡。

Tags:

Leave a Reply